3.2 Պարոքսիզմալ հեմիկրանիա

Նկարագրություն:

Սուր, ակնակապճային, վերակնակապճային, քունքային կամ այս զոնաների ցանկացած համադրության տեղակայման խիստ միակողմանի ցավի նոպաներ, որոնք տևում են 2-30 րոպե և տեղի են ունենում օրական մի քանի կամ բազմաթիվ անգամներ: Ցավի գրոհների ընթացքում սովորաբար նույն կողմից նկատվում է եղջերաթաղանթի կարմրություն, արցունքահոսություն, քթի փակվածություն, քթահոսություն, ճակատի և դեմքի քրտնարտադրություն, միոզ, պտոզ և/կամ կոպերի այտուց։ Ցավերը բացարձակ զգայուն են ինդոմետացինի բուժական դեղաչափերի նկատմամբ:

Ախտորոշման չափանիշներ.

Ա. Առնվազն 20 գրոհ, որոնք համապատասխանում են Բ-Ե չափանիշներին

Բ. Սուր միակողմանի ակնակապճային, վերակնակապճային և/կամ քունքային ցավ՝ 2-30 րոպե տևողությամբ

Գ. Հետևյալներից որևէ մեկը կամ երկուսը.

1. հետևյալ ախտանիշներից կամ նշաններից առնվազն մեկը՝ գլխացավի կողմը.

– եղջերաթաղանթի արյունալեցում և/կամ արցունքահոսություն

– քթի փակվածություն և/կամ քթահոսություն

- կոպերի այտուց

- ճակատի և դեմքի քրտնարտադրություն

- միոզ և/կամ պտոզ

2. անհանգստության կամ գրգռվածության զգացում

Դ. Առաջանում է օրական >5 հաճախականությամբ1

Ե. Լիարժեք կանխարգելվում է ինդոմետացինի թերապևտիկ չափաբաժիններով2

Զ. Ավելի լավ չէ բացատրել մեկ այլ ICHD-3 ախտորոշմամբ:

Նշումներ:

1. 3.2 պարոքսիզմալ հեմիկրանիայի ակտիվ ժամանակի մի մասի, բայց կեսից ոչ ավել ժամանակ նոպաները կարող են ավելի քիչ հաճախության լինել:

2. Մեծահասակների մոտ ինդոմետացինը պետք է օգտագործվի սկզբում օրական առնվազն 150 մգ դեղաչափով և անհրաժեշտության դեպքում ավելացվի մինչև 225 մգ օրական: Ներարկման դոզան 100-200 մգ է։ Հաճախ օգտագործվում են պահպանողական ավելի փոքր չափաբաժիններ:

Մեկնաբանություն:

Ի տարբերություն կլաստերային գլխացավի, տղամարդկանց գերակշռություն չկա: Հիվանդությանը սովորաբար սկսվում է հասուն տարիքում, չնայած մանկանա դեպքեր նույնպես գրանցվել են: