3.4 Շարունակական հեմիկրանիա (Հեմիկրանիա Կոնտինուա)

Նկարագրություն.

Համառ, խիստ միակողմանի գլխացավ, որը կապված է նույն կողմում եղջերաթաղանթի արյունալեցման, արցունքահոսության, քթի փակվածության, քթահոսության, ճակատի և դեմքի քրտնարտադրության, միոզի (փոքր բիբ), պտոզի (կախված կոպ), կոպերի այտուցի և/կամ անհանգստության ու գրգռվածության հետ: Գլխացավը խիստ զգայուն է ինդոմետացինի նկատմամբ։

Ախտորոշման չափանիշներ.

Ա. Միակողմանի գլխացավ, որը համապատասխանում է Բ-Դ չափանիշներին

Բ. Առկա է ավելի քան 3 ամիս, միջին կամ միջինից բարձր ինտենսիվության սրացումներով

Գ. Հետևյալներից որևէ մեկը կամ երկուսը.

1. Հետևյալ ախտանշաններից կամ նշաններից առնվազն մեկը՝ գլխացավի միևնույն կողմ.

- եղջերաթաղանթի արյունալեցման և/կամ արցունքահոսության

- քթի փակվածություն և/կամ թքահոսություն

- կոպերի այտուց

- ճակատի և դեմքի քրտնարտադրություն

- միոզ և/կամ պտոզ

2. անհանգստության կամ գրգռվածության զգացում, կամ շարժումներից ցավի սրացում

Դ. Արձագանքում է բացառապես ինդոմետացինի թերապևտիկ չափաբաժիններին

Ե. Ավելի լավ չի բացատրվում ICHD-3 մեկ այլ ախտորոշմամբ

Նշումներ:

Մեծահասակների դեպքում ինդոմետացինը պետք է օգտագործվի սկզբում օրական առնվազն 150 մգ դեղաչափով և անհրաժեշտության դեպքում ավելացվի մինչև 225 մգ օրական: Ներարկման դոզան 100-200 մգ է։ Հաճախ օգտագործվում են ավելի փոքր պահպանողական չափաբաժիններ:

Մեկնաբանություններ:

1 . Միգրենին բնորոշ ախտանիշներ, ինչպիսիք են լուսավախությունը և ձայնավախություն, 3.4 Շարունակական հեմիկրանիայի ժամանակն հաճախ են հանդիպում:

ICHD-3-ում 3.4 շարունակական հեմիկրանիան ընդգրկված է 3 տրիգեմինալ վեգետատիվ ցեֆալալգիաներ բաժնում, այն հիմքով, որ ցավը սովորաբար միակողմանի է, ինչպես նաև առկա են վեգետատիվ ախտանշանները, (ICHD-2-ում այն եղել է 4. Այլ առաջնային գլխացավեր բաժնում):